წევრობის უპირატესობები: 

• პროფესიული განვითარება:
  ICOM უზრუნველყოფს ტრენინგებს, სემინარებსა და სხვა საგანმანათლებლო ღონისძიებებს, რომელიც ხელს უწყობ წევრების კვალიფიკაციის ამაღლებასა და პროფესიულ განვითარებას.
• ICOM-ის კონფერენციებში მონაწილეობა:
  წევრებს აქვთ შესაძლებლობა მონაწილეობა მიიღონ ICOM-ის საერთაშორისო და რეგიონულ კონფერენციებში, რაც ხელს უწყობს ცოდნის გაზიარებას, პროფესიული კავშირების დამყარებას და სფეროს ინოვაციებზე ხელმისაწვდომობას.
• პარტნიორი ორგანიზაციების ღონისძიებებზე წვდომა:
  ICOM-ის პარტნიორი ორგანიზაციების მიერ გამართულ კონფერენციებზე, ტრენინგებსა და ფორუმებზე მონაწილეობის უპირატესობა, რაც აფართოვებს პროფესიულ ჰორიზონტებს.
• პუბლიკაციები, სახელმძღვანელოები და პროფესიული სტანდარტები:
  ICOM-ის წევრები სარგებლობენ ორგანიზაციის მიერ მომზადებული პროფესიული რესურსებით, რომელიც მოიცავს სახელმძღვანელოებს, კვლევებსა და სტანდარტებს სამუზეუმო სფეროს განვითარებისთვის.
• ICOM-ის კვალიფიკაციის ამაღლების პროფესიული პროგრამები:
  წევრებს ეძლევათ შესაძლებლობა, ჩაერთონ სპეციალურ პროგრამებში, რომელიც მიზნად ისახავს ცოდნის გაღრმავებას ისეთ სფეროებში, როგორიცაა სამუზეუმო საქმის მართვა, 21-ეს საუკუნის მუზეუმის გამოწვევები, მემკვიდრეობის დაცვა, კრიზისული სიტუაციების მართვა და სხვ.
• წევრის ბარათი:
  ICOM-ის წევრობის ბარათი უზრუნველყოფს უფასო ვიზიტს ან ფასდაკლებებს მსოფლიოს სხვადასხვა მუზეუმში, სამეცნიერო ცენტრებსა და შესაბამის სამუზეუმო დაწესებულებებში.

ICOM-ის წევრობისთვის აუცილებელი კრიტერიუმები

1. მუზეუმში ან სამუზეუმო სფეროსთან დაკავშირებულ ინსტიტუციაში მუშაობის გამოცდილება:
   აპლიკანტს უნდა ჰქონდეს მინიმუმ 2 წლის სამუშაო გამოცდილება მუზეუმში ან სამუზეუმო სფეროსთან უშუალოდ დაკავშირებულ ინსტიტუციაში.
2. სამუზეუმო საქმის მოქმედი სპეციალისტი ან ლექტორი:
   უნდა იყოთ სამუზეუმო სფეროში მოქმედი სპეციალისტი ან ლექტორი, რომელიც კითხულობს ლექციებს მუზეუმმცოდნეობისა და/ან კულტურული მემკვიდრეობის დაცვის პროგრამებზე (მინიმუმ 2 წლიანი გამოცდილებით).
3. ICOM-ის პროფესიული ეთიკის კოდექსის პატივისცემა:
   აპლიკანტი უნდა აღიარებდეს და იცავდეს ICOM-ის სამუზეუმო ეთიკის კოდექსს, რომელიც განსაზღვრავს მუზეუმების პროფესიულ და ეთიკურ სტანდარტებს.

ICOM-ის წევრი ვერ გახდება:

• კულტურული ფასეულობების ყიდვა-გაყიდვასთან დაკავშირებული პირები ან დაწესებულებები.
• ICOM-ის მისიასა და აქტივობების საწინააღმდეგო საქმიანობით დაკავებული პირები ან დაწესებულებები.

წევრობის კატეგორიები:

1. ინდივიდუალური წევრები
მუზეუმების თანამშრომლები და სამუზეუმო ან კულტურული მემკვიდრეობის სფეროს მოქმედი სპეციალისტები და ლექტორები.

2. სტუდენტი წევრები
მუზეუმმცოდნეობის ან კულტურული მემკვიდრეობის დაცვის/მართვის სამაგისტრო ან სადოქტორო პროგრამის სტუდენტები.
შენიშვნა: სტუდენტური კატეგორიის წევრებს ICOM-ში ხმის მიცემის უფლება არ აქვთ.

3. ინსტიტუციური წევრები
შემდეგი ტიპის ორგანიზაციები მუზეუმის განმარტების შესაბამისად:

• მუზეუმები
• ბუნებრივი, არქეოლოგიური და ეთნოგრაფიული ძეგლები ან ნაკრძალები
• ისტორიული ძეგლები და ნაკრძალები
• ბოტანიკური ან ზოოლოგიური კოლექციების მქონე ინსტიტუციები, აქვარიუმები ან ვივარიუმები
• სამეცნიერო ცენტრები და პლანეტარიუმები
• რესტავრაცია-კონსერვაციის ინსტიტუტები
• არაკომერციული ორგანიზაციები, რომლებიც ახორციელებენ სამუზეუმო სფეროს კვლევას, კონსერვაციას, განათლებას, ტრეინინგს ან სამუზეუმო დოკუმენტაციას
• კულტურის ცენტრები და სხვა ორგანიზაციები, რომლებიც ხელს უწყობენ მატერიალური და არამატერიალური მემკვიდრეობის მართვასა და განვითარებას.

4. მხარდამჭერი წევრები
ინდივიდუალური ან ინსტიტუციური წევრები, რომელთაც აქვთ განსაკუთრებული ინტერესი მუზეუმებისა და სამუზეუმო სფეროს მიმართ. ისინი ხელს უწყობენ ICOM-ის აქტივობებს წევრობის მაღალი გადასახადის გადახდის გზით.

წევრობის სააპლიკაციო დოკუმენტაცია:

ინდივიდუალური და სტუდენტური კატეგორიის წევრობისთვის:

• სამოტივაციო წერილი
• სამუშაო ადგილის ცნობა (უნივერსიტეტის ცნობა სტუდენტებისთვის) სამსახურის დაწყების კონკრეტული თარიღის (წელი/თვე) მითითებით.
• პირადობის მოწმობის ან პასპორტის ასლი
• ICOM-ის წევრის რეკომენდაცია (სტუდენტის შემთხვევაში, მისი ხელმძღვანელის რეკომენდაცია) – გთხოვთ, გაითვალისწინეთ, რეკომენდაციაში  (1-2 გვ.) ზედმიწევნით უნდა დასაბუთდეს აპლიკანტის შესაბამისობა ICOM-ის წევრობის კრიტერიუმებთან და მისი სამომავლო კონკრეტული წვლილი ორგანიზაციის მიზნების მიღწევაში.
  შენიშვნა: ICOM-ის ერთი წევრს მხოლოდ ორი რეკომენდაციას გაცემა შეუძლია.
• შევსებული online სააპლიკაციო ფორმა(ინგლისურ ენაზე).

ინსტიტუციური წევრობისთვის:

• ოფიციალური წერილი ააიპ იკომის საქართველოს ეროვნული კომიტეტის სახელზე
• ორგანიზაციის რეგისტრაციის დოკუმენტი
• მისიის, ამოცანებისა და ბოლო 2 წლის, მათ შორის მიმდინარე საქმიანობების აღწერის დოკუმენტი
• შევსებული online სააპლიკაციო ფორმა (ინგლისურ ენაზე).