საქართველოს მუზეუმების გზამკვლევი 2006
გზამკვლევში შესულია ტექსტუალური და ვიზუალური ინფორმაცია საქართველოს ტერიტორიაზე არსებულ 223 მუზეუმზე (მუზეუმის დასახელება, საკონტაქტო ინფორმაცია, ადგილმდებარეობა, პროფილი, ინფორმაცია ექსპონატთა რაოდენობასა და მნიშვნელოვან კოლექციებზე, ფონდებსა და განყოფილებებზე, მუზეუმის მატერიალურ-ტექნიკურ ბაზაზე – ფერადი ფოტომასალის გამოყენებითა და სხვა სახის მონაცემებით ქართულ-ინგლისურ ენებზე). ავტორები: ინგა ქარაია, მაკა ბურჭულაძე, ლაშა ქარაია, სალომე ცისკარიშვილი. წიგნი გამოსაცემად მომზადდა საქართველოს მუზეუმების ასოციაციისა და ICOM-ის საქართველოს ეროვნული კომიტეტის მიერ. წიგნის გამოცემა დაფინანსდა საქართველოს კულტურის, ძეგლთა დაცვისა და სპორტის სამინისტროს მიერ.

კრებული მუზეუმების შესახებ 2006
საქართველოს კანონები “კულტურული მემკვიდრეობის დაცვის შესახებ”, “კულტურულ ფასეულობათა გატანისა და საქართველოში შემოტანის შესახებ” და “მუზეუმების შესახებ”, “კონსტიტუციური შეთანხმება საქართველოს სახელმწიფოსა და საქართველოს სამოციქულო ავტოკეფალურ მართლმადიდებელ ეკლესიას შორის”; კულტურული მემკვიდრეობის სახელმწიფო მიზნობრივი პროგრამა (სამუზეუმო რეფორმის პროგრამა), საქართველოს მუზეუმების პასპორტიზაცია, ექსპონატთა დროებით სარგებლობაში გადაცემის წესი და ხელშეკრულების ფორმა ექსპონატთა დროებითი სარგებლობის შესახებ (საქართველოს ეროვნული მუზეუმი), ICOM-ის მისია, ICOM-ის “მუზეუმების ეთიკური კოდექსი”, ICOM-ის წესდება, ICOM-ის რეკომენდაციები მუზეუმების საერთაშორისო დღისათვის, ევროსაბჭოს საპარლამენტო საბჭოს რეკომენდაცია “კულტურული საკუთრების კერძო მენეჯმენტი”, ICOM-ის საერთაშორისო კომიტეტები და რეგიონალური ორგანიზაციები, საერთაშორისო სამუზეუმო ორგანიზაციებისა და მუზეუმების ვებ-გვერდების მისამართები, საფრანგეთის კულტურული მემკვიდრეობის კოდექსი, დიდი ბრიტანეთის მუზეუმების სტრუქტურა და დაფინანსება, სამუზეუმო საქმის ზოგიერთი ასპექტი აშშ-ში, საპროექტო განაცხადის ფორმა, საქართველოს ყველა მუზეუმის კოორდინატები. ავტორები: ინგა ქარაია, მაკა ბურჭულაძე, სალომე ცისკარიშვილი, ლაშა ქარაია, ამირან ანანიაშვილი. წიგნი გამოსაცემად მომზადდა საქართველოს მუზეუმების ასოციაციის, ICOM-ის საქართველოს ეროვნული კომიტეტისა და საქართველოს ეროვნული მუზეუმის მიერ. წიგნის გამოცემა დაფინანსდა საქართველოს კულტურის, ძეგლთა დაცვისა და სპორტის სამინისტროს მიერ.