ICOM-ის შემადგენლობაში შედის სამუზეუმო სფეროს სხვადასხვა მიმართულების 32 საერთაშორისო კომიტეტი. კომიტეტების მუშაობა მოიცავს ICOM-ის წევრებისთვის სამუზეუმო პროფესიული სტანდარტების განსაზღვრას, სამეცნიერო ინფორმაციის გაცვლას, სხვა ორგანიზაციებთან პარტნიორობის განვითარებას და რეკომენდაციების შემუშავებას.

ყოველწლიურად ICOM-ის კომიტეტების მიერ სხვადასხვა ქვეყანაში ეწყობა საერთაშორისო კონფერენციები მიმდინარე აქტუალურ თემებზე, ასევე წლის განმავლობაში დაგეგმილია სხვადასხვა სახის პროფესიული აქტივობები.

ჩვენი ვებ-გვერდის კალენდრის სექციაში შეგიძლიათ გაეცნოთ ICOM-ის კომიტეტების მიერ დაგეგმილ ღონისძიებებს და მიიღოთ მონაწილეობა თქვენთვის შესაბამისი თემატიკის კონფერენციებსა და სხვა პროგრამებში.

კალენდარი ეტაპობრივად შეივსება განახლებული ინფორმაციით.